Отправить письмо
Отправить

Календарь

предыдущий
22 Сентября 2021
09 Сентября (по старому стилю)
следующий
Тропарь святых праведных Богоотец Иоакима и Анны, глас 2:

Праведных Твои́х, Го́споди, па́мять празднующе,/ теми моли́м Тя: // спаси́ ду́ши наша.

Ин тропарь святых праведных Богоотец Иоакима и Анны, глас 1:

И́же в законней благода́ти праведни бывше,/ Младенца богоданнаго породиша нам Иоаким и Анна./ Те́мже днесь светло торжествует,/ весело празднующи, Бо́жественная Церковь, честную вашу па́мять,/ славящи Бо́га, // воздвигшаго рог Спа́се́ния нам в дому Давидове.

Кондак святых праведных Богоотец Иоакима и Анны, глас 2:

Радуется ны́не Анна,/ неплодства разрешившися соуз,/ и питает Пречистую,/ созывающи вся воспети/ Даровавшаго от чрева ея человеком // едину Ма́терь и Неискусомужную.

Тропарь преподобного Иосифа, глас 5:

Я́ко постников удо́брение и отцев красоту,/ милости подателя,/ разсуждения свети́льника,/ вси вернии, сошедшеся, восхвалим/ кротости учи́теля и ересе́й посрамителя,/ прему́драго Иосифа, Российскую звезду́,/ молящася Господу // помиловатися душа́м на́шим.

Кондак преподобного Иосифа, глас 8:

Жития треволнения, и мятеж мирский,/ и страстная взыграния в ничтоже вменив,/ пустынный гражданин показался еси́,/ многих быв наставник, Иосифе преподобне,/ монахов собратель и молебник верен, чистоты рачитель, // моли́ Христа́ Бо́га спасти́ся душа́м на́шим.